أجـــــدع أصحـــــــــــــاب....؟

بجد كلامك عن اصحابك جميييييييييييييييل جدا
و بجد نعم الاصدقاء
ربنا يخليكوا اصحاب على طوووول و يخليكوا لبعض
و ايه بجد موضوعك تحفه و مفيش فى الدنيا كلها احسن من الاصحاب

من الأخر كده ألف شكر يا أدمين على الدعوة إللى خلتني أرجع أبص على المنتدى و كمان خلتني أشوف الموضوع المميز ده، و طبعا أقرأ الكلام إللي أنت قايله.
و أسف على التأخير في الرد يا أستاذة/ أية، لكن الشغل و الدراسة مخليني وقتي ضيق جدا.
على غير فكرة الأدمين عن تقسيم الأصحاب إلى تصنيفات ليها علاقة بمحيط الصداقة أو بفترتها أو باللي جمع الناس فيها أنا ماعنديش التقسيمة ديه.
صحابي إللى يستحقوا يتقال عليهم صحابي هما:
حسام سالم، أحمد فاروق، محمد مكاوي، حسن خليل، أحمد حسن، شيماء درويش، محمد إسماعيل، الصادق أنور، أحمد بهي، هاني شوقي، سامح قابيل، مختار، و شخص كده كل ما بافتكر الإمكانيات إللى عنده و عدم قدرتي على تطويرها أو توظيفها في شغلي إللى هو حياتي بحس قد أيه أنا خسران كتير، و الإمكانيات ديه سواء كانت رجولته أو مهاراته الفنية و العقلية، الشخص ده اسمه فريد الطحان.
كل واحد ليه دقات جدعنه معايا ماتتعدش، و عمري ما فكرت أني ساعدت حد فيهم المساعدة إللى يستحقها أو إللى تساوي مساعدته لي.
فيه صحاب منهم لما بييجوا على بالي بدمع من كتر حبي ليهم.
و صحاب تانيه بابتسم، و صحاب بابقى عايز أعضهم بسبب إنهم أحسن كتير من إللى هما فيه دلوقتي، و صحاب باحس إني وحيد من غيرهم.
زمان كنا بنقول إن أصعب حاجه لما الكلام إللى بينك و بين صحابك يخلص، دلوقتي بنكتشف إن الصاحب فعلا هو إللى ماتتكسفش إنك تسكت قدامه و تسرح في همومك.
الموضوع حلو فعلا يا استاذة أيه، لكن الكلام فيه يطول، و انا وقتي بيقصر، لكن شكرا على مساحة الضوء إللى نورتيلنا بيها على الجزء ده من حياتنا.

يااااااااااه اجدع اصحاب
بصى يا ستى اولا: شكرا على الدعوه
ثانيا : انا بقى فى حياتى مقبلتش اصحاب بجد غير 2 بس
اما الباقى فبعتبرهم زملاء مش اصحاب
لان اصحاب دى كلمة كبييييييييرة اوى
بس بجد اصدقائى اللى هما ال2 دول عندى بالدنيا كلها
دول اصلا مش اصحابى و لا اخواتى دول أنا " جزء منى "
بجد مقدرش استغنى عنهم ابدا و لا اتخيل يوم حياتى من غيرهم
ربنا يخلينا اصحاب على طول كده و مفيش حد يفرق بنا ابدا
بجد فى حاجات كتيييييره بنا مشتركه
بيفهمونى و بافهمهم من غير كلام
اما بالنسبه للمواقف الجدعه فكل حاجه كانوا بيعملوها بالنسبالى مواقف جدعه
بجد ساعدونى كتير فى حياتى و من غيرهم اكيد مكنتش انا زى ما انا دلوقتى
اكيد كنت هابقى اوحش بكتييير
فعلا هما مش بس قد كلمة اجدع اصحاب
دول احسن اصحاب فى الدنيا
انا يمكن يكون ليا زملاء كتييييييير اوى بس الصاحب جد هو اللى تنطبق عليه الحكمة دى " الصاحب الحقيقى هو من يبكيك "
بجد انا مهما قلت كلام على صحباتى دول مش هاوفيهم حقهم
بجد كل اللى اقدر اقوله انهم اجدع اصحاب

يلا اللى بعدى هى الجميلة " أيـــــــــــــــــة "

بجد ياجماعه ربنا يخليكم لبعض وحقيقي أحسن صحاب ربنا مايفرقكم عن بعض أبدا

ميرسي ليكي يايه علي الترحيب ده بس معلش بلاش الأسئله المحرجه دي عشان أنا بجد مش عارفه اقول ايه بس كل اللي أنا ممكن اقوله أني مش عندي أصحاب كتير بس بحبهم جدااااااااااااااااا
وميرسي ليكي ياجميل