طبعا كلنا مش هنختلف ان لازم يكون عندنا يقين بالله
ونؤمن بالقضاء والقدر
انا بقى بحس ان حياتنا هى عباره عن لغات متعدده
بمعنى ان مواقف الحياه او الحاله النفسيه هى اللى بتحدد حاله اللغه اللى بنتعامل بيها
ممكن تكون يأس وأحباط زى ما بتقول يا أدمن فى أوقات معينه بعدها تلاقى نفسك محتاج للغه الهدوء علشان تفكربعمق
تحتاج انك تخرج وتقعد قدام البحر وترمى حمولك عليه وتشتكى له
تلاقى نفسك محتاج للغه الدموع وانت موقن ان ربنا هيخرجك من ضيق الصدر
تبتسم وتحس انك محتاج لامل جديد ولغه الامل تبعث بداخلك الابتسامه والرضا بما قدره الله لك
تلاقى قدامك ضحكه طفل بريىء ومن اجمل اللغات لغه الاطفال
يدق قلبك من جديد تلجا للغه الصمت وتتحدث مع داخلك
فتشعر بلغه تتكلم دون ان تتحرك شفتاك وهى لغه العيون
وتنتهى بلغه الورود وهى تعبر عما بداخلنا من رهف المشاعر
اما عن سؤالك يا فريد أى من اللغات علمتنى الحياه
انا تعلمت لغه من أجمل ما وصانا به الحبيب صلى الله عليه وسلم
وهى الصبر