هل يوجد حب حقيقى عبر الإنترنت ؟؟؟ لازم الكل يجاوب عليه

السلام عليكم ورحمه الله وبركاته ,,,

أحبتى فى الله ..

سؤال كثيراً ما راودنى .. هل يوجد حب حقيقى عبر الإنترنت ؟؟؟

وأقصد هنا (( حب بين الفتاه والفتى ))

لكن (( الحب فى الله )) بالطبع موجود وكثيراً كانت علاقات الأخوه فى الله عبر الإنترنت سبباً فى هدايه الكثير ..

ولكن هل يمكن أن يحب فتى فتاه أو العكس عن طريق الإنترنت ؟؟ ويأخذ الموضوع مساره الطبيعى ويتنهى إلى الزواج ؟؟

أى .. يمكن أن يتعارف إثنين من خلاله ويحدث بيهما حب حقيقى ؟؟
سواء من على الـ (( الشات )) أو من على الـ (( المنتديات ))

هل إسلوب الشخص فى كتابته يوضح جوانب شخصيته ؟؟؟
هل يكفى هذا لحدوث الحب ؟؟؟

أريد أن أعرف أرائكم فى هذا الموضوع ,,

لأننى فى الأونه الاخيره لاحظت إنتشار ذالك (( الحب )) بين معارفى

ووددت أن أعرف تفكيركم وتفكيرهم أيضاً من خلالكم..

اة فيه بس مش كله بينجح انا اعرف واحده قريبتى اتعرفت على واحد من على النت وهما متجوزين وعايشين فى امريكا دلوقتى هو امريكي مسلم

انا معترضه معاكى جدا يا انوس
مينفعش انه يكون فى حب عن طريق الانترنت لانه كل واحد مش بيكون عارف عيوب التانى
و حتى المميزات ممكن تكون وهمية
و ابسط حاجه انه مش بيكون شاف الطرف التانى
و دى ممكن تكون اول صدمه ليه !!!!........
و بعد كده بتتوالى الصدمات فى الطرف التانى

جميله جدا ردودكم وياريت باقى الاعضاء ترد على الموضوع وانا راى هقوله فى الاخر

بصراحة كدة...الحب شئ سامي جداا

ما بتفرقش من ع النت او في حديقة او اي حتة تانية

الحب ما يعرفش حاجتين....الزمان والمكان

عمرك ما بتحدد تحب مين او امتى!!!

فجأة بتحب...وتلاقي نفسك وقعت

حتى لو لقيت عيوب بعد كدة زي ما زا كوين بتقول

ما بتفرقش معاك بقى....انت خلاص حبيت

وشكرا ع الموضوع المهم يا حبيب

يعنى انت يا ريمو ممكن تحب واحده مشفتهاش قبل كده ؟؟
و بالنسبه للعيوب لو كانت عيوب صغيره فممكن نتغاضى عنها لكن لو عيوب كبيره اعتقد صعب جدا
صح و لا ايه ؟؟؟؟؟

اها طبعا ممكن.....ممكن احبها من غير ما اشوفها

وهو انا لازم احب شكلها!!!

ممكن احب طريقتها في الكلام,,,اسلوبها في الاقناع,,,احب اسلوب حياتها الشخصي

ويبقى انا بردوا معجب بيها من غير ما اشوفها

بس لازم طبعا اشوفها....وهو انا حقضيها صم وبكم
ههههههه

وانا معاكي فعلا في حكاية العيوب الكتيرة دي

بس اعتقد اني من كلامي معاها حفهم من الاول انها مليانة عيوب

بس لو ظهرت بعد كدة عيوب كتير فعلا....ممكن احاول اصلح منها

ولو مفيش فايدة,,,حعمل اية؟...حسيبها طبعا

ولا انتي اية رأيك؟

ردك رائع يا روميو وده يمكن كان نفس الرد اللى كنت هقوله بردو ومفيش اختلاف كبير

انا رأيىانفى ناس كتير جدا جدا بتكذب
يعنى مثلا ممكن البنت تقولك انا عندى 22 سنه و يطلع عندها 39 سنه
و تقولك انا ساكنه فى المعادى و تطلع من بولاق
و تقولك انا خريجت الجامعة الامريكية و تطلع معاها دبلوم تجاره 3 سنين
ده كله انواع من الكذب
و بعدين فى حاجه تانيه
ممكن يكون اسلوبها فى الكلام و طريقتها فى الاقناع زى ما انت بتقول يكونوا مستعارين
يعنى مثلا انها تقعد تقرأ شوية شعر علشان لما تكلمك تحس انها رومانسية و حساسه و مفيش كده
و بصراحه و مع احترامى لكل الناس
فى شباب و بنات كتير جدا بيبقوا داخلين على النت علشان يوقعوا عريس او عروسة ياخدوا الفلوس اللى معاهم و بعدين يسيبوهم
و بجد ده موجود فى الدنيا كتير
صح و لا ايه ؟؟؟

للاسف كلامك صح بس مش كلهم طبعا وبدليل كده انتى كمان موجوده اهو وباقى الاعضاء اللى معانا فى المنتدى كويسين يعنى مش كل اللى بيدخل على النت هدفه كده بس بردو بصراحه مش كل الناس وربنا يرحمنا جميعا

صح....الدنيا كدة

فيها الحلو وفيها الوحش

بس مش معنى كدة ان الحلو يطغى على الوحش

ولا اية؟

عندك حق

عندكوا حق طبعا
و بعدين يا احمد انا مقلتش ان كل البنات كده
الدنيا كلها فيها الحلو و الوحش
و لكل قاعده شواذ

انا الصراحة رائى من رأى كوين بالظبط !!!!
مستحيل يكون فى علاقة حب صادقة من على النت...
موضوع تحفففففه يا أحمد

موضوع حلو جدا يا احمد وفعلا بئه منتشر جدا الايام دى بس انا راى الصراحه انه مش هيبقى حب صادق اولا علشان القبول ودى اول حاجه بتحصل بين الطرفين واستحاله دى حاجه تتحس من مجرد كلام على جهاز ادامك دى لازم تبقى برؤية الشخص نفسه وكمان اى انسان وهو قاعد وبيكلم حد كدا هيبقى الكلام متزوق ومترتب غير اى موقف يحصل على الطبيعه وتبان شخصية الانسان كويس وعلى النت طبعا كل واحد هيحاول يطلع كل اللى حلو عنده واللى كمان مش عنده وطبعا كلنا عارفين ان محدش يعرف ايه مميزاته وعيوبه يبقى ازاى تقدر تقيم الشخص دا وانت مش شفتو وكلمته وجها لوجه
والحب الصادق اللى بيكبر بين الطرفين بمشاركتهم مواقف الحياه سوا على الحلو والوحش مش مجرد كلام على النت وخلاص
وفعلا موضوع هااااااااايل